Children's Clubs "Baalala Sanghaalu" Details to be done by students

(toc) Topics 

👫 బాలల సంఘాలు👬

బాలల సంఘాలు అంటే బాలలతో ఏర్పరిచే సంఘాలే!

విద్యార్ధులే పాఠశాలల్లో అన్ని కార్యక్రమాలలో చురుకుగా పాల్గొని బాధ్యత వహించడానికి బాలల సంఘాలు ఉపయోగపడతాయి.

ఒక్కొక్క కమిటీకి ఒక్కొక్క ఉపాధ్యాయుడు బాధ్యత వహించాలి. ప్రధానోపాధ్యాయుడు మానిటరింగ్‌ చేయాలి.

పాఠశాల స్థాయిలో ఈ క్రింది కమిటీలు విధిగా తమ విధులను నిర్వహించాలి. 

ప్రతి కమిటీలో తరగతికి ఒక్కరు చొప్పున అయిదుగురు ఉంటారు.

💻1. సమాచార కమిటీ:

• బడిమానివేసిన / తరచు గైర్హాజరపుతున్న పిల్లల వివరాలు సేకరించి ఆ సమాచారాన్ని ప్రధానోపాధ్యాయులకు అందజేయుట.
•  ప్రార్ధనా సమావేశాలలో ప్రతి రోజు వార్తలు సేకరించడం మరియు చదవడం.
• ప్రార్థనలో ఈరోజు వార్తలు ఎవరు చదువుతారు రేపు ఎవరు అవుతారు వాటి పేర్లు సేకరించడం 
• ప్రార్థనలో సూక్తులు పద్యాలు చదివే వారి వివరాలు నమోదు చేయడం 
• ప్రార్థన రిజిస్టర్ ను నిర్వహించడం

2. ఆరోగ్య / పరిశుభ్రత కమిటీ:

• పిల్లల పరిశుభ్రతను పరిశీలించడం, 
• తరగతి గదిలో చెత్త డబ్బాలు ఏర్పాటు చేయడం, చెత్తను చెత్త డబ్బాలో వేసేలా చూడడం
• వ్యాధుల పట్ల అవగాహన కలిగించుట.
• ప్రధమ చికిత్స పేటిక ఫస్ట్ ఎయిడ్ బాక్స్ నిర్వహణ
• విద్యార్థుల వ్యక్తిగత పరిశుభ్రత అనగా స్నానం చేయని వారిని గుర్తించడం, హెయిర్ కటింగ్ పెరిగిన వారిని గుర్తించడం, గోర్లు కత్తిరించుకోని వారిని గుర్తించడం.
• యూనిఫాం వేసుకుని వారిని గుర్తించడం
• పర్యావరణ మిత్ర

🎸🎻3. ఆటలు / సాంస్కృతిక కమిటీ:

• ఆటలు ఆడేలా చూడడం, 
• సాంస్కృతిక కార్యక్రమాలు నిర్వహించడంలో పాల్గొనడం.
• స్పోర్ట్స్ మెటీరియల్ నిర్వహణ 
• వివిధ రకాల మేళాలు నిర్వహణ
• ఇంకుడు గుంత కంపోస్టు గుంత నిర్వహణ

🖼4. గోడ పత్రిక కమిటి

• ప్రతి రోజు పిల్లలు, టీచర్లు, రాసిన లేక తెచ్చిన కార్టూన్లు, కవితలు మొదలయిన ఇతర సమాచారం గీసిన బొమ్మలను గోడపత్రికలో ఉంచడం. 
• నిజాయితీ పెట్టి నిర్వహణ
• పోస్ట్ బాక్స్ నిర్వహణ
• వివిధ రకాల వార్తాపత్రికలలో వచ్చిన కథలు వాటిని సేకరించడం.

📚5. గ్రంథాలయ కమిటీ:

• ప్రతిరోజు రీడింగ్‌ సమయంలో పిల్లలకు పుస్తకాలిచ్చి వాటి వివరాలను నమోదు చేయడం, 
• పఠన సామగ్రిని సేకరించడం.
• పిల్లలకు పుస్తకాలు ఇంటికి ఇవ్వడం, 
• విద్యార్థులకు ఇంటికి ఇచ్చిన పుస్తకాలను తిరిగి సేకరించడం
• వార్తాపత్రికలు క్లిప్పింగులు సేకరించడం
• విద్యార్థుల రాసిన డైరీలు సేకరించడం డైరీలు రాయని వారిని రాసేలా ప్రోత్సహించడం.

🌅6. మధ్యాహ్న భోజన కమిటీ:

• ప్రతి పాఠశాల నుండి తరగతికి ఇద్దరి చొప్పున విద్యార్ధులను ఎంపిక చేసి మధ్యాహ్న భోజన కమిటీ ఏర్పాటు చేసి వారి పేర్లు ప్రదర్శించాలి.
• ఈ కమిటీకి చైర్మన్‌గా ప్రధానోపాధ్యాయులు పి. ఇ .టి / ఆసక్తికరమైన ఉపాధ్యాయుడు ఇన్‌చార్జీగా ఉంటారు.
• మధ్యాహ్న భోజన కమిటీ సభ్యులు, మెను ప్రకారం భోజనం తయారు చేస్తున్నారా, రుచికరంగా, శుభ్రంగా ఉంటుందా చూడాలి.
• తినే ముందు హ్యాండ్ వాష్ విద్యార్థులకు వేయడం
• మధ్యాహ్న భోజన సమయంలో తరగతి వారీగా విద్యార్ధులను వరుసలలో నిలబెట్టి వారి ప్లేట్లు కడుక్కోనేటట్లు చూడాలి.
• తరగతి వారీగా భోజనం అందించి కూర్చోనిబెట్టాలి.
• అల్లరి కాకుండా చూడాలి.
• పాఠశాల / తరగతి ఆవరణ శుభ్రంగా ఉండునట్లు Dust Bins ఉపయోగించునట్లు విద్యార్ధులకు అవగాహన కల్పించాలి.
• వారికి తాగు నీటి వసతి అందునట్లు చూడాలి.
• విద్యార్ధులందరు తిన్న తర్వాత, మధ్యాహ్న భోజన కమిటీ సభ్యులు తినాలి.

🌷7. పాఠశాలలో నిర్వహించవలసిన కార్యక్రమాలు

ఉద్దేశ్యం

పిల్లల్లోని బహుముఖ ప్రతిభను వెలికితీయడానికి, మంచి వైఖరులను నాయకత్వ లక్షణాలను అభివృద్ధి చేయడానికి పిల్లల్లో సహకారం, సంఘీభావం కలిసి పనిచేయడం తమ వంతు వచ్చే వరకు వేచి ఉండడం, స్నేహభావం, స్వీయ క్రమశిక్షణ అలవర్చడం కోసం.

 🙏 1.ప్రార్ధన:

🔹పిల్లలచే స్వల్ప వ్యాయామ కృత్యాల నిర్వహణప్రార్ధన గీతాన్ని శ్రావ్యంగా, రాగభావయుక్తంగా, సామూహికంగా పాడించాలి.

🔹రాష్ట్ర గీతం, ప్రతిజ్ఞను నిర్వహింపజేయాలి.

🔹సేకరించిన నేటి వార్తలు చదివించాలి.

🔹ఒక మంచి మాట (సూక్తి) చెప్పించాలి.

🔹నేటి ప్రశ్న - మీ సమాధానంలో ప్రశ్నను అడగాలి.

🔹బాలల సంఘాలచే పిల్లల వ్యక్తిగత పరిశుభ్రతను పరిశీలింపజేయాలి. తగు సూచనలు అందజేయాలి.

🔹ప్రాముఖ్యత గల రోజులల్లో ఆ రోజుకు సంబంధించిన సూచనలు అందజేయాలి.

🔹పిల్లల డైరీ, గోడపత్రిక, స్కూల్‌ పోస్టు బాక్స్‌లోని మంచి ఉత్తరాలు రాసిన, మంచి అంశాలు ప్రదర్శించిన పిల్లలను అభినందించాలి, ప్రోత్సహించాలి.

📚 2.తరగతి గది గ్రంథాలయం:

పిల్లల అభిరుచికి తగినట్లుగా కథల పుస్తకాలు, బొమ్మల పుస్తకాలు, గేయాలు, సమాచార సాహిత్యం పిల్లలకు ఎల్లప్పుడూ అందుబాటులో ఉంచి చదివించాలి. పిల్లలతో వారు చదివిన పుస్తకాలపై సమీ క్షలు రాయించాలి.

📕 3.పిల్లల డైరీ:

పిల్లలు తమ ఆలోచనలు, ఇష్టాయిష్టాలను క్రమ పద్ధతిలో వ్యక్తీకరించే పుస్తకం. పిల్లల సహజ స్పందనలు అక్షర రూపంలో పొందేందుకై డైరీ ఉపయోగపడుతుంది. ప్రతి రోజు ఉపాధ్యాయుడు డైరీలను పరిశీలించాలి.

🖼 4.గోడ పత్రిక:

పిల్లలు అభిప్రాయాలను వ్యక్తం చేయటం వారి హక్కు. గోడ పత్రిక వారి ఆలోచనలు, అనుభూతులు, అభిప్రాయాలు, అభిప్రాయాలు, స్పందనలు వెలిబుచ్చే అవకాశం, వాతావరణం కలిగించేదిగా ఉంటుంది. కవితలు, గేయాలు, సూక్తులు, వార్తలు, కార్టూన్లు, వ్యాసాలు, జోక్స్‌, బొమ్మలు, తెలిసిన, రాసిన లేదా సేకరించిన సమాచారం మొదలైనవి ప్రదర్శించాలి. ప్రతి వారం గోడపత్రికలోని అంశాలను మార్చుతూ ఉండాలి.

📮 5.స్కూల్‌ పోస్ట్ బాక్స్:

పిల్లలు తమ అభిప్రాయాలను, సందేహాలను సమస్యలను స్వేచ్ఛగా వ్యక్తీకరించడానికి వేదిక పోస్టుబాక్స్ స్కూల్‌ పోస్టు బాక్స్ లోని అంశాలను ఉదయం ప్రార్ధన సమావేశంలో చదివి తోటి విద్యార్ధులకు వినిపించాలి

💟 6.మేళాల నిర్వహణ:

తెలుగు, గణిత, విజ్ఞానశాస్త్ర అంశాలకు చెందిన కృత్య సామగ్రిని, ప్రయోగాలను ఒక చోట చేర్చే ప్రదర్శించే వేదిక ఈ కార్యక్రమం ఇది పిల్లలకు, తల్లిదండ్రులకు సమాజ సభ్యులకు పాఠశాలలో నిర్వహించే కార్యక్రమాలపై అవగాహన కల్గించే కార్యక్రమం, ప్రతి విద్యా సంవత్సరము కనీసం ఒకసారి నిర్వహించాలి

⭕7.నిజాయితీ పెట్టె:

నిజాయితీ పెట్టె ద్వారా ఇతరుల వస్తువులు పిల్లలు తీసుకోకుండా, సంబంధిత వ్యక్తులకు అందజేసే పని జరుగుతుంది. ఏవైనా వస్తువులు నిజాయితీ పెట్టెలో ఉన్నపుడు ఉదయం పూట ప్రార్థన సమావేశంలో అందరి ముందు సంబంధిత వ్యక్తులకు అందచేయటంతో పాటు అవి నిజాయితీ పెట్టెలో వేసిన విద్యార్ధి వివరాలు తెలిపి అతని / ఆమె చర్యను అభినందించాలి.

🍀8. పర్యావరణ - మిత్ర:

పాఠశాల పరిశుభ్రంగా, పచ్చదనంగా ఉండటానికి పర్యావరణ మిత్ర బాధ్యత వహిస్తుంది. కమిటీకి ప్రధానోపాధ్యాయుడు చైర్మన్‌గా, ఒక ఉపాధ్యాయుడు కన్వీనర్‌గా పనిచేస్తారు. ప్రతి తరగతి నుండి ఒక విద్యార్థిని ఎన్నుకోవాలి. ప్రతి తరగతిలో చెత్తబుట్ట ఏర్పాటు, పాఠశాల ఆవరణ, గదులు శుభ్రంగా ఉండేటట్లు చూడటం, మొక్కల పెంపకం, పక్షులు, జంతువులకు నీరు తాగటానికి తొట్టి, తినడానికి గింజల ఏర్పాటు, నీటిని వృధా చేయకుండా చూడటం వీ రి బాధ్యతలు.

🔵9.కంపోస్టు, ఇంకుడు గుంత నిర్వహణ:

ప్రతి పాఠశాలలో ఒక మూలలో కంపోస్టు గుంత ఏర్పాటు చేయాలి. రాలిన ఆకులు, మధ్యాహ్న భోజన వ్యర్థ పదార్థాలు వాటిలో వేయాలి. మట్టి, నీరు వినియోగించి కంపోస్టు ఎరువు తయారు చేయాలి.